أنا .. ليه ؟! .. بقلم محمد محمود أبوشوشة

أنا ليه ؟؟!

أنا ليه حبيبتي لما بفرح ..
بتخنق ..
بحس إني بس بسرق (م) الحياة
لحظتين أو غنوتين و ليه تلومني ؟
دا نا حتى دايماً ..
بتسِرق !

هسيب كؤوسي للعطاشى
يشربوها ..
هسيب مشاعري أصلهم
مش هيسيبوها ..
و أمسك حبيبتي من إيديها
و أخاف عليها
و أسيبها و أمشي عند شجرة بيت أبوها

و أعتذر
أو حتى يمكن أنتحر ..
ما نا كنت بسأل مين أنا دلوقتي مش عارف
لا مين و لا فين
أنا ..!

حاول تفكر ..
ليه جابتنا للحياة
أُمّ داقت قبلنا تيه الفلاة
و آه و آه و ألف آه
يا دنيتي ..

حاول تجاوب أسئلة كل اللي ماتوا (ف) الحروب
إيه كان نصيبهم
غير شواهد
(ف) الهروب
من حلمهم ..
قُلّي إيه كان ذنبهم
غير دنيتي ..

مش هكون شاعر بيكتب كلمتين فيهم
بُكا ..
و أصبح (ف) يوم و أعشق يا دنيا
و أشربك ميا و هوا أو حتى
شوربة بمستكا !

قلبي اشتكا
و نسيت معاكي مَعْنيين (2 معنى !)
معنى الهنا
أصلي أنا فقري
و بوزي مش سليم
و التاني معنى الإشتياق
هشتاق لإيه
غير للفراق
من صوتك الواطي اللئيم
يا دنيتي ..

**

آخر كلماتي ..
لا تكذبوا
لا ترحلوا عن حضن حبيبكم
و بالطبع لا تقتلوا أنفسكم حتى المرة القادمة

لكم تحيتي و تقديري

محمد محمود أبوشوشة

تفضلوا بزيارة مدونتي الأدبية
كافيتريا أبوشوشة الثقافية ..
أول كافيتريا صديقة للبيئة .. نعتذر عن تقديم الشيشة ..
http://onfire.malware-site.www

دمتم سالمين