. . [ خلونـــــْـــآ نرجع ~‎

من طرف saida maroc الخميس 2 أبريل - 19:11

كلنا نفتكر ايام ونحنا صغار كيف نلتم على بعضنا فالشتاء

وكيف عندنا طقوس بعد المغرب الجمر والحليب والعايله كلها

نتفقد بعض وننبسط سوا

ايام كثيره كان صوت المطر يزين الجلسه والبرق والرعد

كان الشتاء من يبدا نحس بروعته بالامطار والمناظر

وكبرنا وتغير كل شي

تغيرت طهارة قلوبنا

صرنا مؤاخذين ومكلفين بكل شي

فقدنا بعض من البراءه او كلها حتى

وفقدنا شي حلو

فقدنا المــطـــر

~

اذكر ايام آول اذا تاخر المطر لو شوي وصلوا الاستسقاء ثاني يوم يجي مطر بشكل مو طبيعي

كانه تعويض عن ايام الحررمان من رب العالمين

دحين ايش اللي آتغير .؟

اسألوا نفسكم واللي حولكم

المطر شبه منقطع

وصلوات الاستسقاء ماعادت تجدي نفعا مثل قبل

تتوقعوآ ليه .؟

ربنا ماتغير اكيد

بس احنا اللي آتغيرنا

استغنينا .. تكبرنا..اشغلتنا الحياه

مانذكر نطلب المطر الا اذا قالوا في الجرايد والتلفزيون

انا كلامي عن المطر ليه ؟؟

لانه من علامات رضا رب العالمين عن عباده

وتأخره علامه من علامات .. ! تعرفوآ من علامات ايش

الله لايعاقبنا

ربنا ممكن يكون غاضب منك انت ياللي قاعد تقرا

او ممكن مني انا الي كتبت هالكلام

محد منا معصوم بس ياترا مين

..

وايش هوَّ الذنب الكبير

ممكن يكون

لأن

اخواننا المسلمين تنتهك حرماتهم ودمائهم

اطفالهم يقتلون بلا رحمه

او ممكن يكون لاني

قبل يومين بالغلط رفعت صوتي على امي

او لان صديقاتي كانوا يحشوآ بوحده وضحكنا عليهآ

او يمكن لانك كنت او كنتي قاعده على شي مايرضي ربك على النت

او تسمع اغاني وانت رايح للدوام

او

آو

او او

اخطأنا لاتحصى ولاتغفر

لكن ربنا غفور رحيم

على كل النعم اللي عطانا اياها المفروض مايشوف منا الا اللي يرضيه

انا حالي حالكم ~ واغلاطي اكثر من حسناتي

بس احس بالذنب واحاول ارجع ومو دايما اصدق اني مذنبه

طبع الانسان يكابر لو هوآ عارف غلطه

~

عنواني كان باسم ( حملة خلونا نرجع ) يعني

: ..
انا وانتي وانت وانتو وكل احد بيقرا هالموضوع

خلونا نبدا بدايه صادقه بيننا وبين انفسنا وبيننا وبين بعض

حملتنآ مدتها اسبوع واحد فقط

سبعة ايام من لحظة قراءتك للموضووع

ايش بيصير في حالكم يوم

حملة تطهير

ومراقبه

يعني حاول تعصم نفسك من الوقوع في الخطأ

طبعا ماراح تقدر تكون ملاك

لكن اشياء بسيطه انت دائما تسويها حتى لو منت ملاحظ

لاتلعن

لاتشتم

لا تحش بأياَ كان

لاتسئ الظن ~

لا تنافخ على احد والديك

لاتؤذي احد بيدك او لسانك

حاول قد ماتقدر انك تصلي ~

اذا متعود تصلي متاخر خلك بدري شوي

واذا تصلي فالبيت روح للمسجد مرات ومرات

واذا ماتصلي خير شر جرب انك تصلي

واكثر من الدعاء

آدع لنفسك لين تشبع

ثم للي يعز عليك لان الدعاء عباااده

ولا تكذب

ولا تسرق

ولا تنافق

وانت رايح للدوام او تشوف التي في تجنب الاغاني قد ماتقدر

كل شي ان تسويه باستمرار وانت عارف انه غلط بطله لو ايام

وخل نشوف النتايج سوا

خل نشوف اخلاقك ونفسيتك كيف بتصير

خل نشوف المجتمع اللي حولك كيف بيتغير

وخل نشوف اهم شي

وهو رضا الله عنا

انا مو داعيه لكن الله يفتح لي ابواب رحمته واهتدي

انا شابه مثل اي واحدة منكم

اغلط

واحش واكذب نادرا واسمع اغاني كثير

بس راح ابدأ الحمله

واتمنى يكون معي لو شخص او شخصين

الدين النصيحه يااخوآن ~

. . [ خلونـــــْـــآ نرجع ~‎

. . [ خلونـــــْـــآ نرجع ~‎

رد: . . [ خلونـــــْـــآ نرجع ~‎

رد: . . [ خلونـــــْـــآ نرجع ~‎

رد: . . [ خلونـــــْـــآ نرجع ~‎