عرض فيلم “ميوبيا” فميريكان بعد الجدل لي ناض على مخرجتو والبطلة فيه سناء عكرود بسبب “كنحس بحالا الله نسى مدازش من القرية ديالنا”

عرض فيلم “ميوبيا” فميريكان بعد الجدل لي ناض على مخرجتو والبطلة فيه سناء عكرود بسبب “كنحس بحالا الله نسى مدازش من القرية ديالنا”
نجوى المالحي-كود//

كشفات الممثلة والمخرجة سناء عكرود عن عرض الفيلم السينمائي ديالها “ميوبيا” في ميريكان، بعدما تعرض في كندا وحصولو على بزاف ديال الجوائز.

‌

الفيلم تبعو بزاف ديال اللغيط بعد تسريب جزء من مشهد كتبان فيه البطلة “فاطيم” كتقول: “كنحس بحال إلى الله نسى مادازش على القرية ديالنا”.

وفي أول خروج إعلامي ديالها “مع گود”، وضحات المخرجة وكاتبة السيناريو ومؤدية دور “فاطم” بطلة الفيلم، سبب استعمال هاد العبارة والمغزى ديالها بالقول: “البطلة فاطم اللي تلفظات بهذ الهضرة كتقصد بالله اللي نساها زعما جنودو اللي نساوها أو هملو حقها فالوجود كأي إنسان حر، كتعاتب بكلامها الله لأنه وملاذها وكل ما لديها، بالنسبة ليا عمري ما شفت شي طريقة في التعبير عن حب لله أكثر رقة من طريقة فاطم “.


وأضافت عكرود لـ”گود”: “هي بسيطة التفكير، وفي نفس الوقت شاملة ومتسامحة مع الآخر، لأن الوجود بالنسبة ليها كيتلخص في الحب والحرية والحق، والله هو القوة العليا بالنسبة ليها وهو إله الجميع، بحال اليهودي بحال المسلم بحال المسيحي…”.

https://www.instagram.com/p/CIGbFEyJ-TF/?utm_source=ig_web_copy_link

‌