دخل تعرف الفرق بين الدري و البنت المغربيين

إوا نبداو معا البنت باش تفتح ليكم الشهية بسم الله

البنت تايبدى الصباح ديالها مع 6 تتفيق

5 دقايق قدام الروبيني ( لافابو )

30 دقيقة قدام المراية تمشط و تتزين

إوا واحد 35 دقيقة تاع التقلاب على على الحوايج لي غادي تلبس اليوم(هادي مزيرة، هادي واسعة،هادي تتبييني غليظة .....)

عاد تايجي لفطور

تتسبق بسم الله على الماكلة و

تتجلس للطبلة تتكب اتاي برزطو عاد تتهز طرف دلخبز باش تديرو معا فرماج ( كاليك زبدة تتخرج لحبوب فلوجه أوو زيت العود تتخلي الريحة ماعليناش)أولى كاشير

إلى كاع كاداتها تادير لحليب ف لاطاس و شوييييية دلقهوة (باش ماتنيرفاش) و بلا سكر باش ماتغلاظش. جغمة ب جغمة و الشدك دلخبز مايفوتش الربع

تتكمل الفطور تتحمد الله و تضرب واحد الطلة عاود تاني على المرايا و تتخرج

ديك ساعة عاد تيفيق الدري مبوق و وعينيه معمشين تيمشي كووود لطبلة

ديك زلافة لي خلات ختو تاع زيت تيجففها بواحد نص خبزة تاع المحراش تيتبع ليها واحد التمليسة تاع الزبدة داكشي كولو تايدوزو ب براد كامل تاع أتاي تيصفيه منين تتشبع كرشو تتكول ليه يلاه لداك القسم عاود تاني

قبل مايخرج تيضرب واحد تمليسة تاع لجيل لداك الشعر المشعكك باش ينعسو و تيمشي تيفوتو السكولير

هاد شي عام كاين بعض الحالات لي تتكون فيهم الوضعية مقلوبة .

*********************************

إلا عجبكم ديرو شي رد زين بحالكمالتقيم ارجوووووووووكم