فلسفة حمار

عجبى عليك يا إبن آدم يا كبير الدار



قامت الدنيا وماقعدت لما قالوا حمار



هو اسمى شتيمه ولا جنسى ده عار



خلقنى ربى وخلقك ولا حدش له خيار



وانا مهما ذاد الحمل فوقى صابر على المشوار



لافى يوم أقول اشمعنى أخويا وأخد منه تار



ولا يوم ابص لرزق غيرى وأطق منه وأغار



ولا ارفع فى يوم عينى على جارتى وأصون الجار



ولا مهر ادفع لحمارتى وشبكه وسوار



ولا شقه أجمع في ثمنها ولا أجهز دار



ولا حرمى حامل تتوحم عايزه كافيار



ولا بنت تخرج عن طوعى وتجيب العار



ولا إبن يدمن ويهلوس ويقع وينهار



عايش فى حالى متهنى وليه افكار ؟



بأكل وأشرب وأنهق ومافيش اسرار



وعندى إبن آدم يخدمنى ليل ونهار



إن جعت يشترى برسيمى بأغلى الاسعار



وفى مرضى يفضل يعالجنى ويدعى الغفار



خادم أمين من غير راتب ولا حتى إجار



والحين عرفت يا إبن آدم .........



مين فينا حمـــــــــــــــــــــار ؟؟؟



ملاحظة هذا الشعر ليس انا الذي كتبته وانا لا ادعي باني شاعر انما اعجبني هذه الفلسفة

مين فينا حمـــــــــــــــــــــار ؟؟؟


ويبقى سؤال مالو اجابة

شكرااااااااا اخي لالش على الخاطرة الرائعة